Fréttir

Starling Games gáfu út á dögunum tilkynningu um að þau væru að gefa út barnaútgáfu af verkamannaspilinu sívinsæla Everdell sem er kallað "My Lil Everdell". Er spilinu ætlað að vera einfaldari útgáfa og höfða til barna og fjölskyldna. 

Serge Laget, höfundur Cargo Noir, Mystery Express og meðhöfundur Mystery of the Abbey og Shadows over Camelot er látinn, skv. frétt frá Days of Wonder.

Lookout Spiele áformar að gefa út Nusfjord: Big Box á öðrum ársfjórðungi 2023, sem mun innihalda tvær eldri viðbætur og tvær nýjar.

Í þessu barna-samvinnuspili fær hver leikmaður að vera draugurinn í eina umferð og má aðeins nota tambúrínu til að gefa vísbendingar með því að velja rétt hljóðspil. Leikmenn vinna saman að því að leysa gátuna á meðan tunglið ferðast yfir himinninn, áður en nóttin er liðin.

Time of Empires er rauntíma-siðmenningahermir (e. real time civilization building game) þar sem leikmenn vinna sig í gegnum fornöld, miðaldir og inn í nútímann þar sem hvert tímabil varir í níu mínútur.

Legendary serían er samansafn af stokkasmiðum (deckbuilders) sem öll eiga það sameiginlegt að vera hluti af öðrum hugverkum, sér í lagi Marvel, þar sem leikmenn setja saman stokk af hetjum til að berjast við áætlanir einhvers af vondu köllunum (e. villains).